عريس من ايد ربنا

[Abou Shady]

بنت عايشة لربنا وكانت بتحب ربنا اوى اوى
وكانت بترفض اى عريس يتقدم ليها بدون سبب
واهلها كانوا بيكلموها وراحو لأب اعترافها علشان يتكلم معاها
وكان ردها واحد وكانت تقول انا مش هاخد واحد غير من ايد ربنا
حتى ابونا كان بيقولها يعنى ربنا هيظهر ليكى ويقولك هو ده عريسك
تقول انا مليش دعوه لازم اتجوز واحد من ايد ربنا
وفى يوم وهى نايمه ظهر ليها رب المجد يسوع المسيح
وقالها عريسك هيكون عندك بعد 3 ايام
وصحيت من النوم وحكت لأهلها ولأب اعترافها
ومحدش صدق كلامها وقالوا نستنى ونشوف
وبعد 3 أيام جالها واحد واتقدم ليها
وهى من غير ما تشوفه وافقت وقالت ده من ايد ربنا
تخيلوا بقى يطلع ايه
يطلع بيلعب قمار وبيشرب خمر وكان بيضربها ويعزبها ومطلع عينها
وهى كانت بتحتمل كل حاجة بفرح
وفضلت كده طول عمرها
وفى اخر ايامها جالها هى مرض وتعب وفى يوم أنتقالها
كانت موجودة على السرير مع ابونا وجوزها واولادها
وندهت على جوزها وباست ايده وقالتله اشكرك على كل حاجة
فجوزها عيط وقالها انتى بتشكرينى وانا مورتكيش يوم حلو طول حياتك
قالتله لكن ربنا ورانى الأكليل الى ليا فى السما علشان احتملتك طول عمرى
وانتقلت للأمجاد السمائية بسلام عجيب

قصة جميلة تعلمنا ان نحيا الأية الرائعة التى تقول
"امينة هي جروح المحب وغاشة هي قبلات العدو" أمثال 27 : 6
ما أجمل واطيب جروحك لنا ايها الحبيب
ما أهمها لحياتنا الروحية
نشكرك الهنا الحنون على الجروح التى تساعدنا على تنقية نفوسنا
فعلاً امينة هى جروح المحب وغاشة هى قبلات العدو

منقوووووووووول حتى هنا

لكن

أريد تعليقاتكم على هذه القصة الغريبه ، سواء كنت مسيحيا او غير مسيحي،

فالقصة تعبر عن طريقة تفكير وليس عن دين معين

وهل هذا التفكير تفكير إيجابي أم سلبي؟؟

وهل القدر يتحكم بنا إلى هذه الدرجة؟؟

وسأقول رأيي الشخصي بعد رأي حضراتكم

وشكرا

أبو شادي

[زائر]

عزيزي أبو شادي
قصة رائعة ومثال يحتذى به في التضحية والعطاء بدون مقابل.
لقد جاء الرب يسوع إلى أرضنا وكان متروكاً من السماء ومرفوضاً من الأرض.
لقد عاش ومات من أجلنا .. أحب خاصته إلى المنتهى.
وضع نفسه وأطاع حتى الموت .. موت الصليب.
تذكرني حياة هذه الأخت بحياة الفادي التي أحبت إلى المنتهى.
لقد ضحت بأجمل سني حياتها من أجل زوجها وأولادها.
لقد قالت: "لكن ربنا ورانى الأكليل الى ليا فى السما علشان احتملتك طول عمرى".
وهذا ما قيل عن الفادي المسيح: "احتمل الصليب مستهيناً بالخزي فجلس في يمين العظمة".
ليتنا نتعلم من الرب يسوع ومن هذه الأخت الفاضلة دروس الايمان والرجاء والمحبة.
ونقول مع الرسول بولس: "فإني أحسب أن آلام الزمان الحاضر لا تقاس بالمجد العتيد أن يستعلن فينا" (رومية 8: 18)
وأيضاً: "لأن خفة ضيقتنا الوقتية تنشأ لنا أكثر فأكثر ثقل مجد أبدياً ونحن غير ناظرين إلى الأشياء التي ترى بل التي لا ترى لأن التي ترى وقتية وأما التي لا ترى فأبدية" (2 كو 4:17، 18).
لقد نالت هذه الأخت مطلبها من الرب (عريس من ايد ربنا) والذي كان سلماً ارتقت به إلى المجد الأسنى.
إن حياتنا بخار يظهر قليلاً ثم يضمحل ... لنغتنم الفرصة لنجعل منها معنى وملاذاً للأبدية.
"لأن لي الحياة هي المسيح والموت هو ربح" (في 1: 21).
الرب يبارك حياتكم
Henry

[زائر]

??????????????????????????????????????????
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[Henry]

عزيزي أبو شادي
قصة رائعة ومثال يحتذى به في التضحية والعطاء بدون مقابل.
لقد جاء الرب يسوع إلى أرضنا وكان متروكاً من السماء ومرفوضاً من الأرض.
لقد عاش ومات من أجلنا .. أحب خاصته إلى المنتهى.
وضع نفسه وأطاع حتى الموت .. موت الصليب.
تذكرني حياة هذه الأخت بحياة الفادي التي أحبت إلى المنتهى.
لقد ضحت بأجمل سني حياتها من أجل زوجها وأولادها.
لقد قالت: "لكن ربنا ورانى الأكليل الى ليا فى السما علشان احتملتك طول عمرى".
وهذا ما قيل عن الفادي المسيح: "احتمل الصليب مستهيناً بالخزي فجلس في يمين العظمة".
ليتنا نتعلم من الرب يسوع ومن هذه الأخت الفاضلة دروس الايمان والرجاء والمحبة.
ونقول مع الرسول بولس: "فإني أحسب أن آلام الزمان الحاضر لا تقاس بالمجد العتيد أن يستعلن فينا" (رومية 8: 18)
وأيضاً: "لأن خفة ضيقتنا الوقتية تنشأ لنا أكثر فأكثر ثقل مجد أبدياً ونحن غير ناظرين إلى الأشياء التي ترى بل التي لا ترى لأن التي ترى وقتية وأما التي لا ترى فأبدية" (2 كو 4:17، 18).
لقد نالت هذه الأخت مطلبها من الرب (عريس من ايد ربنا) والذي كان سلماً ارتقت به إلى المجد الأسنى.
إن حياتنا بخار يظهر قليلاً ثم يضمحل ... لنغتنم الفرصة لنجعل منها معنى وملاذاً للأبدية.
"لأن لي الحياة هي المسيح والموت هو ربح" (في 1: 21).
الرب يبارك حياتكم
Henry

[marvy2009]

ميتافزيقا و خيال متعب حرام نضع كل هذه الاثقال على المراة باسم التضحية و الدين ربنا حنين مايرضهوش كده

[bolbo2000l]

مين قال أني الاكاليل تعطي في السماء لمن تألم فقط
هذا تعليم ناقص
ثانيا لماذا نغلف كل أمور حياتنا بالله قالي الله ظهرلي......الخ
هناك أمور كثيرة في حياتنا والله بريئ منها تماما
ثالثا غير صحيح بالمرة أن الله يجعلنا نعيش طول حياتنا معذابين في الارض علشان في الاخر ناخد أكليل مش صح
رابعا كفايه ظلم للمراة وليس من المطلوب من المراة أن تعيش طول
عمرها وهي الضحية المتألمة والمغلوب علي أمرها فقط لا غير
أعتقد هذا دور قديم للمراة يجب التخلص منه

[mofkera]

قصه في ضاهرها لطيف لكن باطنها في معاني اسفه في التعبير تودي في داهية
انا اؤمن ان لربنا دور في الارتباط بس ربنا الل في عقولنا مش بس في احلامنا
اعتقد انه مش بيخلق حاجه بلا فائدة هو ادانا العقل عشان نستخدمه ومش ممكن هو هيغيبه

[marvy2009]

انا مع رايك يا mofkera تماما و ياريت تاخدى الاميل بتاعى لنتحاور سويا

[nevinmagdy]

سامحونى كلكم يا جماعه لكن بصراحه القصه دى كلها كلام فارغ عشان ربنا بيحبنا اوى وبيحب يسعد اولاده مش يعذبهم.
كمان المفروض لو البنت خادمة او بنت مع ربنا دايما بقلبها وعقلها، ربنا مش هيبعت لها انسان بتاع قمار وسكرى !!!!!!!!! بالعكس ده هينجيها من انها تقع فى حاجة زى كده.
وبعدين هو ربنا لازم يظهر لنا فى الاحلام عشان حاجة زى كده (انه يقول هبعتلك عريسك ...... الخ) ؟؟؟؟؟؟؟ اكيد لا
ربنا يبارك ولاده ويحميهم من حيل ابليس

[زائر]

عزيزي الفاضل
قصة مؤثرة عاطفيا لكن ليست هذه مشيئة الله لأن الله لايناقض نفسه
فهو الذ ي قال لاتكونوا تحت نير مع غير المؤمنين لأنه أية خلطة للبر والإثم ؟وأية شركة للنور مع الظلمة؟
وأي إتفاق للمسيح مع بليعال ؟وأي نصيب للمؤمن مع غير المؤمن ؟وأي موافقة لهيكل الله مع الأوثان ؟
كيف إذن الله يعطيها حلما ضد كلمته والله في هذه الأيام لايكلم الناس بالأحلام لأن بين أيدينا الكلمة المكتوبة
والروح القدس الساكن فينا يرشدنا ويعلمنا الطريق التي نسلكها والكلمة سراج لرجلي كلامك ونور لسبيلي
هذا ما صنعته هذه الفتاة هو من محض خيالها لذلك هي إحتملت نتيجة إختيارها الغلط ولا دخل لله في ذلك بالمرة
أختكم بيسا